Shkëmbim idesh me z. Obradovic, Sekretar i Përgjithshëm i Organizatës Rajonale për Bashkëpunimin Rinor të Ballkanit Perëndimor (RYCO)
2026/1/16
Të premten, më datë 16 janar, Ambasadorja Kato zhvilloi një takim me z. Vladimir Obradovic, Sekretar i Përgjithshëm i Zyrës Rajonale për Bashkëpunimin Rinor të Ballkanit Perëndimor (RYCO), i cili ka marrë detyrën që nga shtatori 2025. Takimi u zhvillua në zyrat e RYCO-s.
RYCO u themelua në Samitin e Ballkanit Perëndimor në vitin 2016 me qëllim promovimin e mirëkuptimit të ndërsjellë, pajtimit dhe ndërtimit të paqes mes të rinjve në Ballkanin Perëndimor. Selia kryesore e organizatës ndodhet në Tiranë, Shqipëri. Në dhjetor 2025, RYCO u nderua me “Certifikatën Mirënjohjes së Ambasadorit” nga Ambasadorja Kato, në vlerësim të kontributit të tyre të rëndësishëm në promovimin e bashkëpunimit dhe mirëkuptimit të ndërsjellë mes Japonisë dhe Ballkanit Perëndimor.
RYCO po zhvillon në Ballkanin Perëndimor procesin e aplikimit dhe përzgjedhjes për programin “MIRAI”, një program i Japonisë për forcimin e lidhjeve të miqësisë për liderë të rinj nga Evropa, Azia Qendrore dhe Kaukazi, i organizuar nga Ministria e Punëve të Jashtme e Japonisë. Sekretari i Përgjithshëm Obradovic shprehu mirënjohjen e tij ndaj palës japoneze, duke theksuar se programi MIRAI ka dhënë kontribute të rëndësishme në pajtimin dhe bashkëpunimin rajonal në Ballkanin Perëndimor që nga themelimi i RYCO-s në vitin 2018.
Ambasadorja Kato shprehu vlerësimin e saj për bashkëpunimin e RYCO-s në zbatimin e programit MIRAI, dhe diskutoi me Sekretarin e Përgjithshëm Obradovic dhe të tjerë përfaqësues lidhur me bashkëpunimin e Japonisë me Ballkanin Perëndimor dhe perspektivën e aktiviteteve të RYCO-s.
Ambasadorja Kato shprehu vlerësimin e saj për bashkëpunimin e RYCO-s në zbatimin e programit MIRAI, dhe diskutoi me Sekretarin e Përgjithshëm Obradovic dhe të tjerë përfaqësues lidhur me bashkëpunimin e Japonisë me Ballkanin Perëndimor dhe perspektivën e aktiviteteve të RYCO-s.