Vizita e delegacionit të Dhomës së Përfaqësuesve të Parlamentit të Japonisë në Universitetin e Politeknik të Tiranës

    Të enjten, më 4 korrik, gjatë vizitës në Shqipëri, delegacioni i  Dhomës së Përfaqësuesve të Parlamentit të Japonisë (nën udhëheqjen e Takaki Katsumata, Kryetar i Komisionit të Punëve të Jashtme) vizitoi Universitetin Politeknik të Tiranës. Në takimin me rektorin Maliqari, u zhvillua një shkëmbim i pikëpamjeve rreth bashkëpunimit në fushën akademike mes dy vendeve dhe promovimin e mësimëdhënies së gjuhës japoneze.

    Universiteti Politeknik i Tiranës është institucioni i vetëm në Shqipëri ku mësohet gjuha japoneze, dhe merr mbështetje nga Japonia në aspektin e materialeve mësimore në gjuhën japoneze dhe resurseve për biblioteka dhe mësimëdhënie.