Firmoset Marrëveshja e Grantit me Bashkinë e Cërrikut (GGP: Grante për Projekte të Sigurisë Njerëzore në Nivel Lokal)

   Më datë 15 mars, në ambientet e Ambasadës së Japonisë, u zhvillua ceremonia e firmosjes së marrëveshjes së grantit për blerjen e një makine 4x4 zjarrfikëse për Bashkinë e Cërrikut, në kuadër të skemës “Grante për Projekte të Sigurisë Njerëzore në Nivel Lokal” (GGP). Marrëveshja e grantit u firmos nga Ambasadori Takada, dhe Kryetari i Bashkisë Cërrik, Z. Andis Salla.       Nëpërmjet këtij projekti, do të financohet blerja e një makine 4x4 zjarrfikëse për Bashkinë. Gjatë ceremonisë, Ambasadori Takada uroi që ky projekt të kontribuojë në përmirësimin e shërbimit të mbrojtjes ndaj zjarreve dhe shpëtimit të Bashkisë Cërrik duke përfshirë edhe zonat malore dhe pyjore. Nga ana e tij, Kryetari i Bashkisë, Z. Salla shprehu falënderimet e tij për këtë bashkëpunim.