"Java e Kulturës së Japonisë"

 
Gjatë javës u mbajtën disa aktivitete kulturore japoneze, të organizuara bashkërisht nga Ambasada e Japonisë, Ministria e Kulturës dhe bashkëpunëtorë të shumtë. Ishte ngjarja më e madhe kulturore japoneze, e zhvilluar ndonjëherë në Shqipëri e cila përkujtonte 100 vjetorin e marrëdhënieve të miqësisë mes Japonisë dhe Shqipërisë, 41 vjetorin e vendosjes së marrëdhënieve diplomatike dhe 5 vjetorin e hapjes së Ambasadës së Japonisë.
 
Java prezantoi një larmi aktivitetesh kulturore japoneze si, rregullimin e luleve “Ikebana”, ceremoninë e çajit, kuzhinën japoneze (ngjalat), Kupën e Ambasadorit të Japonisë në Xhudo dhe Karate, koncerte, etj. Morën pjesë rreth 1500 persona.
 
▷Demonstrim dhe seminar i rregullimit të luleve “Ikebana”
Në datat 10 dhe 11 tetor, znj. Yuri Maruyama, Drejtoreshë Menaxhimi e Degës së Romës, të Shkollës së ikebanës “Ohara”, demonstroi dhe zhvilloi një seminar në Vilën 31, në Tiranë. ▷Demonstrimi i ceremonisë së çajit.
Në datat 11 dhe 12 tetor, Znj. Yoko Shimada, Profesoreshë e “Omotesenke” bëri një demonstrim dhe shpjegim të ceremonisë së çajit, në Vilën 31, në Tiranë. ▷Demonstrimi i gatimit të ngjalave dhe leksioni mbi kuzhinën japoneze.
Në datat 11 dhe 13 tetor, në Shkodër dhe Elbasan, Z. Jin Ogata dhe Z. Takehiro Shiokawa, shefa kuzhinës së restorantit të ngjalave "Inakaan" në Japoni, demonstruan gatimin e ngjalave dhe Znj. Mari Sugai, prezantuese e ushqimit japonez dha leksione mbi ushqimin japonez.
  ▷Kupa e Ambasadorit të Japonisë në Xhudo dhe Karate.
Më 15 tetor, në Parkun Olimpik në Tiranë, u zhvillua Kupa e Ambasadorit të Japonisë në Xhudo dhe Karate, ku garuan praktikues shqiptarë të karate-ka dhe judo-ka. Demonstrime u kryen edhe nga Z. Takeshi Sasagawa, një karate-ka aponez, dhe Z. Yuto Nishimaki, një judo-ka japonez dhe vullnetar i JICA-s për bashkëpunimin me jashtë. Stafi i ambasadës prezantoi gjithashtu kaligrafinë dhe origamin. ▷Koncerte klasike dhe seminare nga muzikantë japonezë.
Në datën 13 tetor, në Universitetin e Arteve në Tiranë, u zhvillua një seminar me dirigjentin/kompozitorin z. Yoichi Sugiyama, pianisten Znj. Aki Kuroda dhe violonçelisten Znj. Yuko Miyagawa. Më 14 tetor, Znj. Aki Kuroda dhe Znj. Yuko Miyagawa dhanë një koncert duo në sallën e katit të dytë të Teatrit Kombëtar të Operës dhe Baletit në Tiranë. Ato performuan edhe një pjesë të kompozuar nga Z. Yoichi Sugiyama. Ndërsa më 16 tetor u mbajt një tjetër koncert në sallën kryesore të Teatrit Kombëtar të Operës dhe Baletit në Tiranë. Z. Sugiyama, Znj. Kuroda dhe Znj. Miyagawa performuan me orkestrën e Teatrit Kombëtar të Operas dhe Baletit.