Ambasadori TAKADA merr pjesë në seminarin përmbyllës të projektit FiAS të realizuar nga JICA

   

Më datë 18 maj, Ambasadori TAKADA Mitsuyuki mori pjesë në seminarin përmbyllës të "Projektit të Përfshirjes Financiare për Fermat e Vogla Familjare" (FiAS) të Agjencisë Japoneze për Bashkëpunim Ndërkombëtar (JICA). Seminari u organizua në një hotel në Tiranë, ku morën pjesë gjithashtu, Ministrja e Financave dhe Ekonomisë, Znj. Delina Ibrahimaj, Administratori i FED invest Z. Perlat Sulaj, Përfaqësuesi i JICA për rajonin e Ballkanit Z. UEKI Masahiro, si dhe ish përfaqësuesi i JICA për rajonin e Ballkanit, Z. TAKEICHI Jiro.
 
Në fjalën e tij gjatë seminarit, Ambasadori TAKADA tha se ky projekt është zbatuar përgjatë një periudhe prej katër vitesh e gjysmë, madje edhe në kohë shumë të vështira, siç ishte pandemia e Covid-19. Ambasadori shprehi dëshirën se ky projekt për përfshirjen financiare të fermave të vogla familjare do të mund të kontribuojë në zhvillimin bujqësor të Shqipërisë.