Ceremonia e Dorëzimit të Pajisjeve për “Projektin për Përmirësimin e Shërbimit Ortopedik të Spitalit Universitar të Traumës” në kuadër të skemës së Granteve GGP, të vitit fiskal 2020

Në 10 shtator, Shërbimit Ortopedik të Spitalit Universitar të Traumës iu dorëzuan një aparaturë C- Arm me rreze X per sallën e operacionit, tre komplete veshjesh mbrojtëse për përdorimin e aparaturës C - Arm, një llampë portabël për sallën e operacioneve dhe tre mansheta profesionale. Nëpërmjet këtij projekti, synohet të përmirësohet cilësia e shërbimit të kirurgjisë ortopedike në Spital.

Gjatë ceremonisë, Ambasadori Takada u shpreh se dhurimi i këtyre pajisjeve në një spital terciar si ai i Traumës, do të ndikojnë në përmirësimin e kapaciteteve të shërbimit të ortopedisë në nivel kombëtar. Nga ana e tij, z. Zenelaj, Drejtori i Spitalit, falënderoi Ambasadorin dhe Qeverinë e Japonisë për këtë donacion.