Dorëzimi i autoambulancës dhe pajisjeve mjekësore të shërbimit të urgjencës në Spitalin Bashkiak “Dr. Stefan Gjoni” Krujë, në kuadër të skemës “Grante për Projekte të Sigurisë Njerëzore në Nivel Lokal”

Më datë 16 dhjetor, në kuadër të Projektit për Përmirësimin e Shërbimit të Urgjencës Mjekësore në  Spitalin Bashkiak “Dr. Stefan Gjoni” Krujë,  i financuar nga skema e granteve e Japonisë “Grante për Projekte të Sigurisë Njerëzore në Nivel Lokal”, u realizua dorëzimi i një autoambulance dhe i pajisjeve mjekësore për shërbimin e urgjencës të këtij spitali.

Nëpërmjet këtij projekti synohet të përmirësohen kapacitetet e shërbimit të urgjencës së Spitalit Bashkiak “Dr. Stefan Gjoni” Krujë për një përgjigje sa më të shpejtë dhe efektive në raste katastrofash dhe jo vetëm.