Firmoset Marrëveshja e Grantit me Spitalin Rajonal të Krujës "Dr. Stefan Gjoni" në kuadër të skemës së “Granteve të Qeverisë Japoneze për Projekte të Sigurisë Njerëzore në Nivel Lokal”

Më datë 12 shkurt, në ambientet e Ambasadës së Japonisë, u zhvillua ceremonia e firmosjes së Grantit për “Projektin për përmirësimin e shërbimit të urgjencës mjekësore në Spitalin Rajonal të Krujës ‘Dr. Stefan Gjoni’ ”. Marrëveshja e grantit u firmos nga Sh.T Z. ITO Makoto Ambasador i Japonisë në Shqipëri, dhe Znj. Yllka KUKALAJ Drejtoreshë e Spitalit Rajonal të Krujës.
Në kuadër të këtij bashkëpunimi do të mundësohet blerja e një ambulance të re dhe e pajisjeve të reja të urgjencës mjekësore për spitalin. Gjatë këtij eventi, Ambasadori ITO uroi për një rimëkëmbje sa më të shpejtë të Krujës nga tërmeti.