Riemërimi i Konsullit të Përgjithshëm të Nderit të Japonisë në Tiranë

Më datë 12 shtator, Ambasadori i Japonisë në Shqipëri, SH.T.Z Makoto Ito, i dorëzoi Z. Avni Ponari ҫertifikatën e riemërimit të tij si Konsull i Përgjithshëm  Nderi i Japonisë në Tiranë.
Me rastin e riemërimit të tij si Konsull i Përgjithshëm i Nderit të Japonisë në Tiranë, Ambasadori Ito i shprehu mirënjohje  Z. Ponari për përkushtimin e tij në forcimin e marrëdhënieve dypalëshe Japoni - Shqipëri.  Ambasadori Ito shprehu gjithashtu besimin  se Z. Ponari do të vijojë të kontribuojë në forcimin e mëtejshëm të marrëdhënieve miqësore midis vendeve tona.
 
Z. Avni Ponari nga ana e tij, tha se do të vazhdojë të punojë me përkushtim për të promovuar marrëdhëniet miqësore midis dy vendeve tona.